naby – beleef god se nabyheid

Sonder nabyheid, kan daar nie aanbidding wees nie. Onder nabyheid verstaan ek ‘n bewus wees van die teenwoordigheid van God wat ‘n mens met verwagting, vreugde, hoop en vrede vul.In so ‘n mate dat jy dit weer en weer wil beleef. Aanbidding is interaksie met God: EK praat en Hy luister. Hy praat en ek luister.

Alhoewel God alomteenwoordig is en die ganse skepping ons herinner aan sy bestaan en dat Hy die Skepper is, het ons as mense die vermoë aangeleer om Hom uit te sluit uit ons lewens uit. Ons leef met oogklappe asof God nie teenwoordig is nie.

Jesus het aan sy dissipels belowe dat waar twee of drie in sy Naam saam is, daar is Hy ook. (Mt. 18:20) Maar, dit lyk asof Jesus Homself weerspreek wanneer Hy later in Matteus sê dat Hy by die dissipels is tot aan die einde van die wêreld (Mt. 28:20). Die een keer is dit ‘n voorwaardelike nabyheid en die ander keer ‘n onvoorwaardelike teenwoordigheid. Die twee gedeeltes verwys na twee verskille manier van “daar” wees. 

word god se vriend

‘n Lewe van aanbidding is ‘n baie dinamiese gebeure omdat dit die moontlikheid skep dat ek God se vriend kan word. Die Bybel getuig daarvan dat God  ‘n vriendskaps verhouding met ons wil hê:

God het ons geskep sodat Hy ons kan geniet. (Gen. 3:8 en Op 4:11)

God het Abraham sy vriend genoem. (2 Kron. 20:7)

Jesus het vir sy dissipels gesê dat Hy hulle as sy vriende beskou. (Joh. 15:15)

Al hoewel die moontlikheid daar is dat ek God se vriend kan wees, sal God nooit hierdie vriendskap forseer nie. Vriendskap met God is iets waarvoor ek moet kies.

Daar is bepaalde gesindhede wat aangeleer kan word en dinge wat ek kan doen om hierdie vriendskapsverhouding te bevorder.

In die eerste plek moet ek God persoonlik leer ken en nie staat maak op dit wat ander skryf of getuig oor hoe hulle God ken en leer ken het nie.

erediens – naby aan God

Indien gemeentes eredienste wil hou wat mense “eerste keer komeers” weer sal laat kom en lidmate opgewonde sal maak om weer en weer te kom, moet dit eredienste wees waarna mense nie kan wag om by te woon nie en waar dinge regtig gebeur. Wat het ons nodig om dinge regtig in ‘n erediens te laat gebeur?

Eredienste wat die moeite werd is om na toe terug te kom, is eredienste waar ‘n dinamiese verhouding met God waargeneem en beleef word.

“Dinamies” beskryf die verhouding wat ons met die mees besondere mense in ons lewens het. Hierdie verhoudings kan met tye selfs frustrasie, seer en irritasie bevat. Maar, ten spyte daarvan, is dit die verhoudings waar dinge gewoonlik gebeur. Sulke verhoudings is nooit vervelig of staties nie.

Dink aan die persoon aan wie jy die mees intieme en beste verhouding het.

sabatsrus – geldig vir christene

Sportmanne leef met die gevaar van uitbranding. Hulle kan bv. te veel rugby speel en dan kan hulle insluting in die span tot nadeel wees omdat hulle nie op volle potensiaal speel nie. Indien die kwessie van uitbranding nie reg bestuur word nie, kan dit ook tot nadeel van die speler wees omdat hy op grond van sy spelpeil sy plek in die span kan verloor omdat daar spelers is wat nie noodwendig ‘n beter speler is nie, maar wat beter spel sal lewer as ‘n baie goeie, maar uitgebrande speler.

Ek wonder of die saak van uitbranding iets te make het die Sabbatsbeginsel.

enb gee net studiehulp aan swartes

ENB het verlede week aangekondig dat hulle studiehulp beskikbaar gaan stel vir hulle werknemers wat minder as R100 000.00 per jaar verdien. Op die oog af ‘n baie lofwaardige saak, totdat die nadere besonderhede bekend raak en dit vir almal bedoel is, behalwe blankes. Die reaksie is op hierdie stadium redelik ernstig en volgens die briewe kolomme in die koerante, is daar ‘n hele paar van ENB se kliënte wat hulle rekenings na ander banke gaan skuif.

Meeste van ons weet hoe ANC in die struggle jare op so iets sou reageer indien die situasie omgekeer was en enige iets eksklusief vir blankes was. In die eerste plek sou hulle natuurlik ook hulle steun in enige vorm van die organisasie onttrek het en gemobiliseer het om soveel mense as moontlik sover te kry om dieslefde te doen.

In die tweede plek sou hulle vir internasionale sanksies gevra het.

En in die derde plek sou hulle strate toe gegaan het met betogings wat baie dikwels in geweld en die vernietiging van eiendom gepaard gegaan het.

In die vierdie plek

panteïsme – god is alles, alles is god

Panteïsme se basiese uitgangspunt is: Alles is God en god is alles. God is teenwoordig en God is in sy skepping teenwoordig. God is nie ‘n persoonlike god nie, die skepping is God.

Panteïsme sou so verduidelik kon word: “Jy is vir God soos een van jou bloedselle vir jou is. Alhoewel ‘n sel op sy eie kan bestaan en optree (ander sel vernietig of nie vernietig nie), het die sel gewoonlik net ‘n baie beperkte verstaan van die groter geheel waarvan dit deel is.

Panteïsme het ook oorgeloop in panenteïsme.

Die basiese lewensuitkyk van Panenteïsme is: God bestaan in en is deel van elke deeltjie van die skepping, maar bestaan ook tydloos buite en los van die skepping. God is in alles en alles is in God. Die Hindoe geloof word as panenteïsties beskou. Daar was ook in die onlangse verlede prominente Christene wat begin het om hulleself as panenteïste te beskryf.

deïsme – god het wel geskep, maar…

Deïsme se basiese uitgangspunt tot die lewe is: God het wel geskep, maar daarna sy rug op die skepping gedraai  en alle betrokkenheid by die skepping gestaak.

In hierdie benadering sou die implikasie van die sonde iets wees soos: “Kyk watter gemors het die mens van hierdie skepping gemaak, maar helaas ek gaan nie daarmee inmeng nie.”

God het wel ‘n plan met die skepping en nadat Hy geskep het, het Hy die plan in werking gestel en die plan sal verloop soos Hy bedoel het, maar Hy gaan geensins daarmee inmeng nie. “What must be, will be.”

Dit beteken dat Hy wel bestaan, maar dat jy en jou lewe en jou probleme nie vir Hom belangrik is nie. Alhoewel God graag wil hê dat jy ‘n mooi en goeie lewe moet lei, is jy geheel en al op jou eie.

ateïsme – god bestaan nie

Die boodskap van kerstyd is dat Jesus Christus, die enigste Seun van God ter wille van ons versoening met God mens geword het.

Uit die aard van die saak is daar mense wat verskillend dink oor God. Ek gaan probeer om oor die volgende paar dae iets oor elkeen van die volgende te skryf:

1. Ateisme.

2. Deïsme.

3. Panteïsme/panenteïsme.

4. Teïsme.

5. Christenskap.

ATEÏSME

Ateïsme se basiese beandering tot die lewe: “Daar is geen God nie.”

Die implikasie daarvan is dat hierdie lewe die enigste lewe is wat daar is. Daar is geen god wat die mens geskep het nie; wat in ons belangstel nie; wat ons kan vertroos nie, waarop ons ons kan beroep nie. Dit is net ek en jy en hierdie lewe en hierdie skepping, verder is daar niks nie.

In sy boek “Science and Christianity: Conflict or Coherence” skryf Henry F Schaeffer III dat  iemand by geleentheid vir Richard Dawkins gevra het:

Doesn’t your worldview lead you to be depressed?

Sy antwoord was:

maria – die belangrikste vrou in die geskiedenis

Gabriël het vir Maria die “goeie nuus” gebring dat sy as maagd gaan swanger word en dat die seun wat gebore sou word die langverwagte Messias was. Die woorde waarmee Gabriël die seuntjie vir Maria beskryf is uitdrukkings soos:  “Seun van die Allerhoogste”; “die Een aan wie se koningskap daar geen einde sal kom nie.”

In Gabriël se aankondiging is daar direkte ooreenstemming met Jesaja 7:14 ten opsigte van drie punte:

1. ‘n Jong meisie (Jesaja)/maagd (Lukas) sal swanger word.

2. Dit sal ‘n seun wees.

3. Hy sal Immanuel (God met ons) genoem word. (Jesaja) Hy sal Jesus (God verlos) genoem word.

Daarmee saam meld Lukas dat Josef, Maria se verloofde, die nageslag van Dawid is. Die boodskap daaragter: Die kindjie wie se geboorte nou aangekondig word, is die Messias waarvoor elke Israeliet gewag het en voor gehoop het, wat op koning Dawid se troon sou sit en oor God se volk sou heers.

die algemene sinode se reaksie

In alle billikheid moet ons na verlede week se gesprek oor saamwoon, die reaksie van die Moderatuur van die Algemene Sinode oor die saamwoon debat ook plaas.

Na aanleiding van die persberigte dat die NG Kerk die goedkeuring van die saamwoon van paartjies oorweeg en die daaropvolgende hewige openbare gesprek, stel ons graag die volgende:

Die Moderatuur herbevestig die standpunt dat slegs die liefdesverbintenis tussen een man en een vrou wat volgens kerklike en wetlike voorskrifte in ‘n huwelik bevestig is, uitdrukking gee aan die NG  Kerk se siening van ‘n huwelik. Ons is daarvan oortuig dat volle geestelike en seksuele gemeenskap tussen ‘n man en ‘n vrou in die huwelik tuishoort. Saamwoon is nie ‘n aanvaarbare alternatief vir die Christelike huwelik nie.

Ons is egter ook daarvan bewus dat daar tans vrae rondom aspekte van huweliksluiting leef wat nuwe kerklike besinning vra en duidelike antwoorde soek.