Category Archives: Missionaal

GRONDHERVORMING EN DIE NG KERK

Die verkiesing van Cyril Ramaphosa tot ANC president tydens die onlangse ANC Konferensie (16-20 Desember 2017) het vir baie van ons as ‘n verligting gekom. Oor die res van die top 6 van die ANC is almal nie so opgewonde nie. In die vroeë ure van Donderdag 21 Desember het die nuwe president van die ANC sy nooienstoespraak gegee. ‘n Toespraak wat uit die aard van die saak intens bestudeer sou word.

Persoonlik was die besluit van die konferensie oor die vervreemding van grond sonder vergoeding die besluit wat my die meeste onseker laat voel het. Sommige verslaggewers het selfs gedink dat Ramaphosa die verkiesing tot president van die ANC gewen het, maar die beleidskonferensie verloor het omdat die beleid meer die fokuspunte van die Dlamini-Zuma kamp se Radikale Ekonomiese Transforemasie weerspieël as die van die Ramaphosa kamp.

Ek sien egter in koeranteberigte oor die aangeleentheid dat hierdie besluit met duidelike voorwaardes kom. Lees voort

Advertisements

1 Kommentaar

Filed under Missionaal, Politiek

DIE WÊRELD IS ‘N BETER PLEK – A.G.V. PROTESTANTSE SENDELINGE

Die kerk beleef ‘n krisis wêreldwyd. Daar is selfs agterdog teenoor die goeie werk wat die kerk in ons gemeenskappe doen. Naas die staat is die NG Kerk die grootste finansiële bydraer tot barmahrtigheidswerk in ons land. Ons het in die verlede foute gemaak. Die Bybelse regverdiging van die Apartheidstelsel en die rassisme wat daarmee saam in ons mense se lewens nesgeskop het, is maar een voorbeeld daarvan.

Op Facebook maak Arnau van Wyngaardt gister melding van ‘n artikel wat op 8 Januarie 2014 in Christianity Today verskyn het. Lees voort

2 Kommentaar

Filed under Missionaal

JESUS HET VERKONDIG – ONS MOET OOK!

Ek het gister geskryf oor Jesus wat in die sinagoge geleer het en wat dit beteken. In Matteus 4:23 doen Jesus drie dinge: Hy leer en Hy verkondig en Hy maak mense gesond. Op die manier het die koninkryk van God naby gekom. (Mt 4:17) Vandag wil ek klein bietjie aandag gee aan Jesus wat “verkondig” het. In die Grieks (net soos in Afrikaans) is “leer” en “verkondig” twee verskillende woorde. Die Griekse woord vir “leer” is didasko en die Griekse woord vir “verkondig” is kerusson.

Die oorsprong  van kerusson is keryx.

“keryx denotes the man who is commisioned by his ruler or the state to call out with a clear voice some item or news and so to make it known.”

Jesus is deur die Vader gestuur en gevolmag om die aanbreek van die koninkryk van God aan te kondig. Lees voort

1 Kommentaar

Filed under Homiletiek, Missionaal, Prediking

DISSIPELS: SIEN – DEEL – NOOI

Evangelisasie gebeur nie meer nie. Evangelisasie het vir sommige mense ‘n “tipe van spiritualiteit” geword waarmee hulle verkies om nie geïdentifiseer of geassosieer te word nie. Evangelisasie het natuurlik  vir verskillende mense verskillende betekenisse en inhoud. Hoe dit ookal sy, evangelisasie is nie meer hoog op die agenda van die kerk nie. Ons lewens moet die praatwerk en die getuieniswerk doen. Die probleem is egter dat dit vir my lyk asof die goeie nuus van God se verlossing in Jesus Christus nie verder as eredienste en kleingroep-byeenkomste kom nie.

In sy kommentaar op Johannes 1:29-42 het David Lose melding gemaak van hierdie drie stappe (SIEN – DEEL – NOOI) van getuienis. Hoe meer ek met die hierdie drie stappe na Johannes 1:29-42 gekyk het, hoe meer het ek dit raakgesien. Lees voort

1 Kommentaar

Filed under Dissipelskap, Missionaal

POST-CHRISTENDOM – ‘N ANTWOORD (2)

Ek het gister geskryf oor ‘n moontlike antwoord vir kerkwees in die post-moderne en post-Christendom era. Op die ou end is die beginsel dat God se koninkryk op aarde kom net soos in die hemel wanneer God se kinders tot sy beskikking is. Missionêre gemeentes is die “buzz”-woord hiervoor. Enige iemand wat in ons gemeente is sal weet dat ek hierdie beginsel oor en oor aan hulle verkondig en ook dat ons kleingroepe deur die kleingroepmateriaal aangemoedig word om missionêer in die gemeenskap betrokke te raak. Maar, hierdie betrokkenheid moet uit mense se harte kom. Die Heilige Gees moet deur die prediking en deur die Woord mense se harte verander om nie net missionêr te begin dink nie, maar ook missionêr te lewe.

Die vraag is: Gebeur dit?

MissionalIn Oktober verlede jaar kom een van ons kleingroepleiers na my toe en vra of ek en Anru (My jong kollega) nie hulle kleingroep se volgende byeenkoms wil bywoon nie. Hy deel met ons ‘n paar gedagtes en ons is dadelik opgewonde. Toe ons by die kleingroep kom is dit nie baie mense nie, maar die Here het oor die laaste twee jaar met die kleingroep ‘n besondere pad gestap. Soveel so dat hulle die missionêre gedagte nie net verstaan het nie, maar dat die Heilige Gees in hulle harte ‘n behoefte wakker gemaak het om in die gemeenskap ‘n verskil te maak.

Hulle probleem is egter tyd. Lees voort

4 Kommentaar

Filed under Die Kerk, Missionaal, Post-Christendom

POST-CHRISTENDOM – ‘N ANTWOORD

Ek het nou reeds vier keer my gedagtes oor Post-Christendom neergepen. Hier en hier en hier en hier. Ek dink steeds dat ons eerder vroeër as later sal moet besef dat ons nie die post-moderne mens in ‘n post-Christendom konteks met modernistiese bedieningstyle gaan bereik nie. Ons gaan dalk daarin slaag om tot ‘n mate ons eie te behou maar, statistiese navorsing oor hierdie saak is duidelik daaroor dat in elke generasie ‘n kleiner persentasie kerk toe gaan. Gaan lees gerus HIER.

Die vraag is: Is daar ‘n alternatief?

Ek twyfel nie daaroor nie. Daar is hoop. Een gemeente wat my hoop gee is St Thomas Gemeente in Sheffield. St Thomas kerk het twee kampusse. Die een (Crookes kampus) is die vinnigste groeiende kerk in Europa en die ander (Philadelphia) is die grootste kerk in Europa.  Mike Breen is die man wat op ‘n wonderlike manier deur die Here hiervoor gebruik is.

Die werkswyse is missionêre geloofsgemeenskappe of Missional Communities. Op hulle webblad word hierdie groepe so beskryf:

Missional Community or missional communities (also called Clusters, Go Communities, Mid-Sized Communities, Mission Shaped Communities, MSCs) are generally groups of 20 or more people who are united, through Christian community, around a common service and witness to a particular neighborhood or network of relationships. These differ in size and scope from typical Small Groups that are often made up of approximately a dozen people with a focus on internal fellowship and Bible Study. Missional Communities do place a strong value on life together, the group has the expressed intention of seeing those they impact choose to start following Jesus, through this more flexible and locally incarnated expression of the church. The result will often be that the group will grow and ultimately multiply into further Missional Communities. Lees voort

17 Kommentaar

Filed under Die Kerk, Missionaal, Post Moderniste, Post-Christendom

LIEFDADIGHEID IS NIE GENOEG NIE

Jaco Strydom van Echo Jeugontwikkeling het verlede week (8 Maart 2012) in Beeld ‘n artikel met dieselfde opskrif geskryf.Ek het sommer baie gehou van wat hy gesê het. Onder andere:

Ons grootste uitdaging in hierdie land (met van die grootse gapings tussen ryk en arm) is nie net om kos te gee vir die wat in nood is nie, maar om saam kos te maak en saam te eet. “Community” eerder as “charity”. Liefde vra meer as net liefdadigheid.

Jaco sê ook:

Om om te gee beteken tog presies dit: om – te – gee. En as ek die evangelie reg verstaan beteken dit nie in die eerste plek net om iets te gee nie, maar om jouself te gee. Om die maaltyd waarmee jy geseën is te deel en nie net die krummels te gooi vir die armes nie.

Jaco is 100% reg. Ek sou op geen punt hier van hom wou verskil nie.

En ‘n bietjie verder: Lees voort

11 Kommentaar

Filed under Missionaal