Kom loer bietjie in.
Ek loop toe oor die naweek op Amazon hierdie besondere boek raak: New International Version – Cultural Backgrounds Study Bible. Ek het verskeie van NIV se studie Bybels op my rak. Wat hierdie een so besonders maak is dat dit die leser gaan help om die Bybel meer binne die ontstaanskonteks te lees.
Kyk byvoorbeeld na hierdie sin waarmee die Studiebybel begin: Lees voort “NIV, CULTURAL BACKGROUNDS STUDY BIBLE”
Die feit dat die ANC, soos ek verwag het, nie daarin kon slaag om Zuma en sy korrupte kornuite te stuit nie, het my met ‘n warboel van emosies gelaat.
Vanoggend (5/3/2017), terwyl ek en twee kollegas saam die Bybelteks vir Sondag se prediking lees, vertel een van die kollegas vir ons van die kunstenaar Marina Abramovic. Marina is nie onbekend nie en een van haar aangrypende kunswerke wat op video vasgelê is, het redelike reaksie uitgelok. Die een waarvan ek vanoggend gehoor het, het ek nie van geweet nie.
Die naam van die kunswerk is Rythm 0. Die kunswerk het behels dat Abromovic stilstaan terwyl die gehoor uitgenooi is om met haar te doen wat hulle ook al wil. Lees voort “ZUPTAKRASIE – TOESKOUER OF DEELNEMER”
Liewe lidmaat
Die NG Kerk as instelling wil nie in party-politiek betrokke raak nie. Tog kon ons oor die afgelope jare nie swyg wanneer die president en regeringslui so optree dat dit die vrede, versoening en geregtigheid van ons mense in gedrang bring nie. Die kerk het immers ‘n profetiese roeping om geregtigheid na te jaag en om veral die stem te wees vir die magteloses en die wat deur beleid en sisteme buite rekening gelaat word of benadeel word.
Die NG Kerk het daarom die afgelope jare saam met die ekumeniese kerk in Suider-Afrika profeties geprotesteer teen verskeie vergrype van die regering en in die besonder teen die optrede en leierskap van die president, mnr. Jacob Zuma. Lees voort “SKRYWE VAN DIE NGK MODERATUUR”
Volgens ‘n verklaring deur die regering is daar ‘n plan vir Vrydag:
“Die sosialemediaboodskappe word gestuur om die land se beeld in oneer te bring, om die ekonomie te ontwrig en om die indruk van wanorde en vrees in gemeenskappe te wek.
“Burgerlike organisasies, sakeondernemings en die samelewing in die geheel word aangemoedig om saam met die regering te werk om ons demokrasie te versterk om sodoende ’n beter Suid-Afrika te skep en by te dra tot ’n beter en veiliger Suid-Afrika,”
Eerstens is ek bly daar is ‘n plan. ‘n Plan wat blykbaar deur ten minste al die opposisie partye gesteun word. Lees voort “Daar is ‘n plan vir Vrydag”
TOETREDE
“Wees stil en weet Ek is die Heer.” Here, God, U woorde en U nabyheid lei my ook in hierdie oggend na waters van rus en vrede, die heerlikheid van U nabyheid.
VRYHEID
U het my geskep om in vryheid te lewe. Vry om die vreugdes van die lewe te geniet soos U dit geskep het. Here God, gee dat ek in hierdie vryheid sal lewe soos U dit bedoel het, in besonder met volledige vertroue in U liefdevolle versorging.
TEENWOORDIGHEID Lees voort “Liturgie vir stilwees (3)”
TOETREDE
Here God, U is my God en my Skepper. U is hier. Wees naby my. Ek verlang om by U te wees.
VRYHEID
Lei my deur U Gees om altyd my vryheid so te gebruik dat ek sal kies om U heilige wil te doen en nooit vergeet dat U die Een is vat vra wat U wil en dan dan gee wat ek nodig het. Ek kies opnuut weer vir gehoorsaamheid aan U.
TEENWOORDIGHEID Lees voort “Liturgie vir stilwees (2).”
Hier is my liturgie vir vandag se stilwees. Dalk kan dit jou help
TOETREDE
Die aarde is vol van U heerlikheid. Vir ‘n paar oomblikke vertoef ek in die teenwoordigheid van die Een. U was reeds hier. U verwelkom my in U teenwoordigheid. U teenwoordigheid vul my hele wese. Tot diep binne in my diepste menswees. Die aarde is vol van U heerlikheid.
Die koffietafel het geskuif na https://attienel.me
Kom loer gerus daar in.
Vandag is ‘n amptelike vakansiedag in Suid-Afrika, Gesinsdag. Een van die eerste opmerkings wat ek vanoggend op Facebook raakgesien het was die vraag: Onthou jy wat op 16 April 1652 gebeur het?
Ek het geskiedenis tot in matriek (Graad 12) gehad. Ek weet dus dat dit die dag is waarop Jan van Riebeeck aan die Kaap geland het. Saam met hom en sy vrou en sy seun was daar 82 ander mans en 8 vrouens. Hulle het met drie skepe, die Dromedaris, Reijger en De Goede Hoop, aan die Kaapse kus geland. Die oorspronklike bedoeling was dat hulle van die Kaap ‘n halfweghuis sou maak waar skepe op pad na Indië sou aandoen om vars kos op te laai.
Aanvanklik was die bedoeling nie om die Kaap de Goede Hoop te kolonialiseer nie. Tog is nege van die gesinne in Februarie 1657 vrygelaat om langs die Liesbeeck Rivier te boer. Lees voort “6 April – Gesinsdag (of nie)”
Ek het al hier en hier en hier en hier iets geskryf oor die proses waar die NG Kerk Artikel 1 van die kerkorde wil wysig. Ons kerkraad het ook besluit om aan die gemeente aan te beveel om “ja” te ste, Die gemeente sal in Meimaand hieroor stem.
Een van die redes waarom mense aangemoedig word om “nee” te stem vir die wysiging van Kerkorde Artikel 1 sou dan wees omdat die VGKSA (Verenigende Gereformeerde Kerk in Suid Afrika) ‘n geweer teen ons kop sou hou en ons wil dwing om Belhar as belydenisskrif te aanvaar. Hulle dreig dat as die NG Kerk nie Belhar as belydenisskrif aanvaar nie, is daar geen sin daarin om die gesprek oor eenwording enigsins voort te sit nie. Lees voort “Nie “ja”omdat die VGKSA ‘n geweer teen die NGK se kop hou nie!”
Attie se koffietafel. 