DIE BYBEL IS UNIEK SAAMGESTEL

‘n Baie interessante en moet ek sê beleefde gesprek het verlede begin oor die Bybel as die Woord van God. Ek was aangenaam verras met die manier waarop ouens wat van mekaar verskil die egsprek hanteer het en dat daar nie wedersyds kwetsende dinge gesê is nie.

Die Bybel is op ‘n paar punte uniek. Daarmee bedoel ek dat ek van geen ander boek weet waarvan dieselfde dinge gesê kan word as wat van die Bybel gesê word nie. Dit inligting is heeltemal te veel vir een “post” sou ek gaan dit oor ‘n paar “posts” versprei.

Ek wil nie nou of later elke een van hierdie besware probeer antwoord nie, maar wat ek wel in verlede week se gesprek agtergekom het, is dat mense redes kan gee waarom hulle sukkel om te aanvaar dat die Bybel die woord God is nie. Sommige van die die mense met hierdie besware is eerlik aan die worstel oor die gesag en die aansprake van die Bybel.

30 DAE: DIE DAG NA KERSFEES

Kersdag is verby – ek hoop nie kersfees gaan gou verby wees nie. Wanneer Christene vir mekaar ‘n geseënde kersfees toewens, dan spreek hulle eintlik vir mekaar ‘n gebed uit. Dis my gebed dat die Heilige Gees die wonderlike teenwoordigheid van Christus Jesus  ‘n treffende werklikheid in elkeen wat hier lees se lewe sal maak.

Die verhaal word vertel van die pa wat by ‘n poskantoor gewerk het. As gevolg van sy jong seuntjie se onverwagse dood het die pa al hoe meer afgesonderd en eenkant gelewe. Hy het al hoe minder kontak met mense, ook sy eie gesin gehad.

30 DAE: ‘N SEUNTJIE VIR ELIZABETH EN SAGARIA

Een van die meer besondere tonele in die fliek “The Nativity Story” is die toneel wat in Johannes 1:57-66 beskryf word. Die fliek begin met Sagaria wat sy diensbeurt as priester in die allerheiligste van die tempel waarneem. (Lukas 1:8-25) Omdat Sagaria nie die boodskap van die engel Gabriël geglo het nie, is hy met stomheid geslaan. Daardie dramatiese toneel aan die begin van die fliek maak ‘n groot indruk op die kykers.

Sagaria kom eers weer op die toneel by die geboorte van Johannes. Die baba word gebore en agt dae later kan Sagaria nog steeds nie praat nie.

30 DAE: HIEROOR GAAN KERSFEES!

Elkeen het maar sy eie mening oor waaroor kersfees nou eintlik gaan. Sommige sê dit gaan oor ‘n kindjie in ‘n krip. Ander sê dit is in besonder ‘n tyd van vrede en welwillendheid. Ander sien kersfeestyd as ‘n tyd vir familie en vriende se saamwees. Ander sien kersfees as ‘n tyd waar ons deur ons geskenke vir mekaar terugdink aan die grootste geskenk wat ooit aan die mensdom gegee is.

Ek het by geleentheid gelees hoe ‘n man in sy kaartjie vir sy vrou skryf dat hy Jesus Christus in haar lewe sien

30 DAE: MARIA DIE VERWAGTENDE MOEDER

Maria is nog altyd een van my inspirasies in die Nuwe Testament. Ek persoonlik is daarvan oortuig dat Maria die eerste en mees getroue dissipels (volgeling van Jesus Christus) was. Haar gebed in Lukas 1:38 was naas die Ons vader die eerste gebed in die Bybel wat ek gememoriseer het. Veral in tye van worsteling en stryd wanneer daar dinge met my gebeur wat ek nie verstaan nie, dan bid ek die woorde wat maria gebid het: “Ek is tot beskikking van die Here. Laat met my gebeur wat u gesê het.”

Die engel noem Maria geseënd en begenadigde.

30 DAE: DIE MAAGD MARIA

Een van die moeiliker sake in die Christelike geloof: Maria was nog ‘n maagd toe Jesus gebore is.

Die engel Gabriël bring ‘n besoek aan Maria – op daardie stadium ‘n maagd. Wanneer die engele vir haar sê: “Jy sal swanger word en ‘n seun in die wêreld bring, en jy moet hom die naam Jesus gee.” (Lukas 1:31), is Maria baie verbaas want: “Hoe is so iets moontlik, aangesien ek nog nooit omgang met ‘n man gehad het nie?” (Lukas 1:34) Die engel se antwoord is: “Die Heilige Gees sal oor jou kom, en die krag van die Allerhoogste sal die lewe in jou wek. Daarom sal die een wat gebore word, heilig genoem word, die Seun van God.” (Lukas 1:35)

30 DAE: LIG VIR DIE WÊRELD

Ons het gisteraand ‘n vleisie gebraai. Die wind het bietjie gewaai hier by Umdloti, met die gevolg dat ek redelik gesukkel het om die vuurtjie aan die brand te kry. Gelukkig het ons ‘n boksie vuurhoutjies gehad en as die wind die een vuurhoutjie doodwaai voordat ek die “blitz” kon aansteek, het ek maar net die volgende een getrek. Op die ou end was daar meer vuurhoutjies rondom die kole as wat daar in die boksie was, maar die vuur het ten minste gebrand.

In die tyd van Jesus was daar nie vuurhoutjies nie en daar was ook nie elektrisiteit nie.

30 DAE: GESEËNDE …

Ek sou darem baie graag wou weet hoeveel keer word die woord “Geseënde Kersfees” op kersdag en die tyd voor kersfees gebruik. Daar is nou reeds ‘n paar mense wat hier in die kuberruim vir mekaar geseënde kersfees toewens.

Afrikaansse mense gebruik die woordjie geseënd, terwyl Engelse mense die woordjie “happy” gebruik. Ek vermoed die geseënd van Kersfees het sy oorsprong in die Bybel en die bedoeling was dat kersdag vir ons ‘n dag sal wees waarop ons die geseënd-wees van God sal beleef.

Sou dit nie wonderlik wees as ons as Christene hierdie jaar in ons wense vir die mense rondom ons baie spesifiek kon wees en vir elkeen een van ons naby-mense een van die “geseënd-is-jy” uitsprake van Jesus neem en dit vir hom/haar toewens nie.

30 DAE: STILTETYD – HEMEL EN AARDE WORD EEN

Markus se eerste hoofstuk laat ‘n mens sommer gou-gou besef dat Jesus nie baie tyd vir Homself gehad het nie. Jesus was volledig mens en daarom het Hy ‘n paar dinge besef:

– Hy kan nie sonder God lewe nie.

– As Hy die hele tyd gaan gee en gee en gee, moet daar tye wees wat Hy inneem.

– As Hy Homself so ten volle vir ander gaan gee, dan moet Hy van tyd tot tyd geestelike versterkings inroep.

AD Belden het ‘n paar definisies van gebed:

– “Prayer may be defined as the appeal of the soul to God.”

30 DAE: VIR ELKE DAG EN ELKE PLEK

Ons lees vandag Markus 1:32 -39.

Die Joodse dag het geduur van 06:00 tot 18:00. In Jesus se tyd was daar nie horlosies nie en die Joodse wette het bepaal dat die Sabbat verby was wanneer die son gesak het en die eerste drie sterre verskyn. Teen die aand, het hulle die mense wat genees moes word na Jesus toe gebring, want as hulle iemand wat siek was voor die einde van die sabbat sou help om by Jesus te kom, dan werk hulle op die sabbat en dit mag nie.

Die wonderlike dinge wat Jesus in Kapernaum gedoen het, kon nie ‘n geheim bly nie.