UITVERKIES

Alleman het gister op my skryf oor GOD HET NIE ‘N BLOUDRUK-PLAN VIR JOU LEWE NIE, kommentaar gelewer. Die kommentaar kom basies daarop neer dat ek in die skrywe die leer oor die uitverkiesing van die tafel afvee sonder om een teksvers vir my standpunt te gee. Nou gaan ek ook nie juis vandag ‘n klomp tekste aanhaal nie.

Die vraag gaan vir my oor die vrye wil van die mens. In hoe ‘n mate het die mens ‘n vrye wil of het God vooraf reeds besluit hoe alles gaan gebeur en eindig. Die gesprek oor die saak gaan baie ver terug – sover as Calvyn en Arminius, dalk selfs Augustinus. Ek is soms bekommerd dat sommige van ons as Gereformeerdes so Calvinisties is dat as ons moet kies tussen Calvyn en die Bybel gaan ons eerder Calvyn kies.

Een van ons belydenisskrifte Die Dordse Leerreëls is by die Sinode van Dordt in 1618-1619 opgestel in reaksie op Arminius se standpunte. By die geleentheid is die vyf punte van Calvinisime geformuleer. Die vyf punte is:

1. Totale verdorwenheid van die mens – Mense is nie van nature daartoe geneig om God lief te hê nie.

2. Onvoorwaardelik uitverkiesing – God het in die ewigheid besluit aan wie Hy genade sou betoon en wie nie.

3. Beperkte versoening – Wat Jesus aan die kruis gedoen het, is genoeg vir almal wat uitverkies is.

4. Onweerstaanbare genade – God se genade is sterker as die weerstand wat enige een wat Hy uitverkies het sou kon bied.

5. Volharding van die gelowiges – Die wat God geroep het om aan Hom te behoort sal nie verlore gaan nie.

Oor elkeen van hierdie punte is daar boeke geskryf. Lees voort “UITVERKIES”

THE CHURCH AS DIVINE REALITY

 

Hoe behoort ons te dink oor die kerk?

Bonnhoeffer is iemand wat op ‘n baie besondere manier oor die kerk geskryf het. Hy het ook beleef die kerk deur apatie die NAZI’s se optrede teenoor die Jode in effek goedkeur. Tog kon hy nie anders as om oor die kerk in heilige terme te dink nie. Op WIKIPEDIA lees mens die volgende kommentaar na aanleiding van sy boek LIFE TOGETHER.

Bonhoeffer felt strongly that there is an empirical experience that results from meeting with others to become intimate before Christ. Lees voort “THE CHURCH AS DIVINE REALITY”

GOD HET NIE ‘N BLOUDRUK-PLAN VIR JOU LEWE NIE

Op twitter volg ‘n sekere “easyleesie” my en ek volg hom. Hy is ‘n ateïs of ‘n skeptikus. Hoe hy na homself verwys is egter nie belangik nie. Vanoggend maak hy hierdie opmerking: “If God has a plan for me, what happened to my “free will”. You remember tha magic fruit and the talking snake…?”

Ek dink dit is ‘n billike vraag. Ek dink baie Christene skep die indruk dat God vir elke mens ‘n vooraf uitgewerkte plan vir jou lewe het en dat jou rol en taak is net om te ontdek wat God se wil en plan vir jou lewe is, daarby in te val en siedaar… jy is ‘n wonderlike gelukkige, suksesvolle wese. Ek dink nie dit is so eenvoudig nie. Kom ek stel dit so:

God het nie ‘n bloudruk-plan vir jou lewe nie!

God het ons geskep as mense met ‘n vrye wil. Lees voort “GOD HET NIE ‘N BLOUDRUK-PLAN VIR JOU LEWE NIE”

CHRISTEN – MAAR NIE KERK TOE NIE

‘n Groep jongmense, onder 35, stuur vir ‘n paar vrae wat hulle gisteraand rondom die braaivleisvuur besig gehou het. Hulle vra of ek die vrae op die blog kan plaas sodat daar bietjie gesprek daaroor kan wees.

Daar is vyf vrae. Die vrae handel oor:

1. Hoe gaan dit wees wanneer die Here weer kom?

2. Wat het ‘n mens nodig om in die hemel te kom?

3. Wat van Christen wat in sonde lewe?

4. Wat behoort ‘n Christen se verhouding met die kerk te wees?

5. Mag ek kwaad wees vir die Here?

Elkeen van hierdie vyf vrae is op sy eie manier bietjie van ‘n toffie. Lees voort “CHRISTEN – MAAR NIE KERK TOE NIE”

VANDAG SE TIENERS – DIE “SO WHAT” GESLAG

Die post-moderne mens is ‘n spirituele mens. Hy is op soek na een of ander vorm van spiritualiteit. Hierdie spiritualiteit behels dat hierdie mens tog vrae vra met betrekking tot die doel van die lewe; ‘n opperwese; God se plan met my lewe; ens. Die implikasie daarvan is dat ons as Christene dan ten minste by hierdie vrae wat gevra word kan aansluit en dit gebruik as ‘n geleentheid om ‘n verhouding aan te knoop en die evangelie te deel.

Nou wil dit lyk asof die gety weereens gedraai het. Die gedagte van die post-moderne mens as iemand met ‘n spirituele behoefte was blykbaar (soos iemand dit noem) “the flavour of the decade”. Die nuwe groep mense waarmee die kerk rekening moet hou is die “so what” mense. Cathy Lynn Grossmann skryf HIER ‘n artikel daaroor. Ek dink ons is nou baie nader aan die mense met wie ons werk.

Ek is tans die slagoffer (:-) van ‘n vierde tiener en, anders as ander ouers en tieners het die Here my nie geseën met foutlose wesens as kinders nie. Ek het elkeen van my kinders onvervangbaar baie lief, maar hulle is nie volmaak is nie. Daarmee saam werk ek al vir meer as 20 jaar met tieners. Die tieners met wie ek vandag werk is anders as die tieners wat saam met my oudste dogter Andrèa (nou 29) deel van ‘n tienergroep was.

Die “so-what-beskrywing” is vir my ‘n lekker beskrywing. Lees voort “VANDAG SE TIENERS – DIE “SO WHAT” GESLAG”

SELEBI EN DIE TRONK/HOSPITAAL/PAROOL

Die dag toe die voormalige hoof van die Suid Afrikaanse Polisiediens aan bedrog skuldig bevind is en tot 15 jaar tronkstraf gevonnis is, was vir my persoonlik ‘n goeie dag. nie noodwendig omdat oor Selebi nie, maar omdat dit my vertroue in ons regstelsel ‘n hupstoot gegee het.

Vandag (Woensdag 28 Desember 2011) het die Departement van Korrektiewe Dienste (DKD) ‘n nuuskonferensie gehou. Selebi is baie siek. So siek dat orgaanoorplanting nie meer ‘n opsie is nie. Lees voort “SELEBI EN DIE TRONK/HOSPITAAL/PAROOL”

WILLEM WAS TOE BY VANJAAR SE KERSDIENS

Verlede jaar het ‘n sekere Willem ‘n brief in die dagblad BEELD geskryf onder die opskrif “Ds. Kannieamenkrynie en Kie”. Hy vra toe in die brief vir “die huidige ‘n insig dat die maagdelike geboorte, asook die ander stories oor die geboorte van Jesus, bloot mites is en as sulks erken en gepredik moet word.”

Kersdiens 2011 was toe nie Willem-loos nie. Hy het weer ‘n brief geskryf om te sê dat hy wel ‘n kersdiens bygewoon het. Maar gelukkig was dit hierdie keer ‘n kersdiens na sy sin. Die dominee het alles gesê wat hy wou gehoor het.Hy skryf onder andere:

“Die prediking was uit die Thomas-evangelie en nie uit een van die tradisioneel Kersfeesvoorlesings uit die Bybel nie.

(Sou enige predikant in die tradisioneel Afrikaanse kerke dit waag om uit die Thomas-evangelie te preek?)

Die prediker het na twee dele uit die Bybel verwys.

Die eerste was die geboorteverhale in die Bybel – met die verskil dat dit deur die prediker as mites uitgewys is wat sou aanpas by die paganistiese mites wat eie was aan die Midde-Ooste en die lande om die Middellandse See in die tyd wat Jesus (sou) geleef het.

Die tweede was ’n verwysing na Adam en Eva – met ’n verklaring dat dit gegrond is op Babiloniese mites wat deur die Jode tydens die ballingskap na Babilonië oorgeneem is.

En niemand het na hul asem gesnak nie en niemand het uitgestorm en gedreig om die prediker van kettery by die sinode te verkla nie.”

Ek is so bly Willem het ‘n dominee gekry wat preek wat hy graag wil hoor. Ek is so bly Willem se dominee maak dit vir hom maklik om ‘n godsdiens sonder geloof te lewe. Volgens die Bybel is geloof om die onsienlike te sien. Lees voort “WILLEM WAS TOE BY VANJAAR SE KERSDIENS”

DIE VERNIET VAKANSIEDAG

Vandag is ‘n bonus vakansiedag. COSATU het op Pres. Kgalema Motlanthle se nommer gedruk en hy het besluit Suid-Afrika moet nog een vakansiedag kry oor Kersdag op ‘n Sondag geval het.

Nou slaap my huis nog. Hier en daar roer iemand, maar eintlik “vakansiedag” hulle. Gister het die deel van die familie wat nie Sondag hier kon wees nie gehad en ons het van mekaar se oorskiet van Kersdag geeet. Hulle het heerlik geëet aan ons vark- en skaapboud en ons het net so lekker gesmul aan die skaap wat hulle oor die spit gebraai het. Gisteraand het die twee ouma’s en oupa saam met die twee kinders wat hier is na hulle onderskeie Revue’s gekyk. Dit bly darem vir ouma’s en oupa’s lekker om te sien wat hulle kinders aanvang. In hulle tyd op skool was dit ondenkbaar dat ‘n skool iets soos ‘n musiekblyspel met vandag se standaarde sou kon produseer.

Ek sal ook vandag rustig wees. Hierdie is tradisioneel die week waar ek die jaar vorentoe in oënskou neem. Ek is nog een van daardie ouens wat vir myself ‘n paar doelwitte stel vir die jaar en dan dwarsdeur die jaar my doelwitte monitor en daaraan werk. Ek is ook van daardie dominees wat tog glo dat die Here met my kommunikeer sodat ek sy wil kan ken. Vroeër in Desember, deur veral twee boeke wat ek gelees het, my stiltetyd, sekere dinge wat met my gebeur het en my stiltetyd, het die gedagte by my vasgesteek dat ek nie te veel doelwitte moet stel nie, maar dat my belangrikste doelwit vir 2012 moet wees om vir die Here geleentheid te skep om my karakter te vorm. Lees voort “DIE VERNIET VAKANSIEDAG”

GEKOMMERSIALISEERDE KERSFEES

Ek lees gister weer ‘n berig in The Times oor Kersfees. (Ongelukkig het ek nie meer die “link” nie) Die joernalis maak toe die opmerking dat die Bybel nie ‘n spesifieke datum koppel aan Jesus se geboorte nie. (My eerste gevoel was “duuhh!”) Niemand dink meer dat 25 Desember regtig die datum is waarop Jesus gebore is nie. ‘n Datum iewers in September sou beter wees. Maar dit is nie eintlik waaroor dit vanoggend gaan nie. Christene het in ‘n mate hierdie dag ge-“kaap”.

Gaan lees gerus HIER en/of HIER oor hoe 25 Desember die dag geword het waarop die geboorte van Christus herdenk word. Dit wil voorkoms asof 25 Desember in die derde eeu na Christus vir die eerste keer die dag geword het waarop die geboorte van Christus herdenk is. Lees voort “GEKOMMERSIALISEERDE KERSFEES”

Create a free website or blog at WordPress.com.

Up ↑