invictus

Invictus is die rolprent wat draai rondom die Rugbywêreldbeker in 1995 toe Suid Afrika die beker gewen het. Alhoewel die herinneringe aan die wen van die wêreldbeker meer en meer op die agtergrond skuif bly die herinnering aan daardie dag toe Nelson Mandela in ‘n Springboktrui op die veld verskyn het, iets wat nie net vir ons leeftyd onthou gaan word nie, maar ook ons kinders en kleinkinders en hulle kinders se mag nie hierdie dag vergeet nie.

Invictus ontleen sy naam aan die baie bekende gedig van William Ernest Henley. Invictusis Latyn vir onoorwonne.  Lees voort “invictus”

kerk toe (1)

Ons geestelike lewe bestaan rofweeg uit drie del. Eerstens is daar die persoonlike verhouding met die Here. Kom ons noem dit die lewe lewe saam met God in die binnekamer. Die derde deel van heirdie lewe is die lewe saam met God in die wêreld. Tussenin, is daar egter ‘n baie bealngrike deel van ‘n mens se geestelike lewe wat nie altyd genoeg aandag kry nie: Kerk toe gaan.

God het bedoel dat sy kinders spanspelers sal wees. In God se koninkryk is daar nie ruimte vir “lone-rangers” nie. Tydens ‘n erediens doen God se kinders alles wat hulle doen terwyl elkeen alleen by Hom is. Lees Bybel; bid; loof Hom; aanbid Hom; bely; leer; luister. Maar saam oefen hulle ook om volk van God te wees. Volk van God met wie God opweg is.

Ons moet dink aan dinge soos:

AANKOMS

Die manier waarop ek voorberei is om die erediens by te woon en die manier waarop ek by die erediens ontvang word, het ‘n wesenlike invloed op hoe ek die erediens gaan beleef.

VOORBEREDING

Daar is ‘n verskil tussen voorbereining om kerk toe te gaan en voorbereiding vir dit wat in die erediens gaan gebeur. Nie net vir die boodskap nie, maar vir elke ander deeltjie van die erediens. Ek kom kerk toe met die hoop en die verwagting om die Here daar te ontmoet. Die oomblik wat ek gaan sit, begin my voorbereiding vir ‘n anderse ontmoeting van die Here saam met ander gelowiges.

LUISTER

Ons luister nie net na die dominee wat preek nie. Ons luister ook na ander wat saam met my sing en na die sagte fluisterstem van God deur sy Heilige Gees in elke gebeure.

VERTREK

Terwyl my alleen-by-God-wees” my kerk toe gaan voorafgaan, is dit my saam-met-ander-Christene-wees wat my saam-met-God-in-die wêreld-wees voorafgaan. Wanneer ek by die kerkdeure uitstap is ek baie bewus daarvan dat ek nou in God se wêreld instap.

Die volgende paar dae gaan ek elke dag iets meer oor hierdie onaderafdelings skryf.

Blog at WordPress.com.

Up ↑