fiela se ouma

Fiela bly saam met haar ouma op die hoek van Cunninhamlaan, oorkant die NG Kerk Waverley (Die gemeente waar ek dominee is). Die res van Fiela se familie bly in die Noord-weste. Fiela se ouma bly by die mense wie se huishulp sy is. Fiela se ouma sê die mense is goed vir haar want hulle laat Fiela toe om by hulle te bly, en as hulle vir haar kos gee dan gee hulle altyd vir Fiela ook.

Lena is huishulp in Cunninghamlaan 1263, die gemeente waar ons werk se huis waarin ons gesin, Lena (Sy is die oudste) en ek en Renate en René bly. Vir Lena is ek is Maruti en Renate is Ma-maruti. Elkeen van ons kinders het by Lena ‘n ander naam, ‘n troetelnaam. Andrea is “Alla”; Elané is Elanétjie;  René is “Nanie-Nel;, haar witbroodjie vir wie sy nooit kwaad word nie en vir wie sy enige iets sal doen, is Seuneman, ons seun Andries. Lees voort “fiela se ouma”

ek is tot alles in staat

Daar is ‘n hele paar teksverse in die Bybel wat oorbekend is. Die gevaar met sulke oorbekende tekste is dat hulle dikwels buite konteks aangehaal en selfs misbruik word. Een so ‘n vers is Fillipense 4:13:

“Ek is tot alles in staat deur Christus wat my die krag gee.”

Ek twyfel vir geen oomblik daaraan dat die Here wel vir sy kinders in staat stel om dinge te doen wat hulle gedink het onmoontlik is (Veral en in die heel eerste plek wanneer dit gaan oor die uitbreiding van sy koninkryk en die dikwels haas onmoontlike dinge wat gedoen moet word.) maar, hierdie teks is nie ‘n waarborg dat ek enige iets kan aanpak met hierdie “leuse” en dan kan verwag dat alles mooi en glad sal verloop nie.

Wanneer Paulus hierdie vers skryf, is dit in ‘n konteks waarin ons nie graag die vers sou wou gebruik nie, want die gedagte agter hierdie opmerking van Paulus is dat hy geleer het om in alles omstandighede tevrede te wees.

Dit is net hier waar dit moeilik raak. Lees voort “ek is tot alles in staat”

motivering 2

Motivering sprekers is groot in die tyd waarin ons lewe. Soos gister se 40 “speeches” in 2 minute wys, is dit veral in die rolprente wat motiveringstoesprake gebruik word. Natuurlik is dit toesprake wat spesiaal deurdink en deeglik ingeoefen is, maar steeds kan jy verstaan waarom dit mense motiveer wanneer jy daarna kyk.

Motivering bring ‘n mens by ‘n besluit, dikwels ‘n emosionele besluit, maar “the proof of the pooding lies in the eating.” – Die besluit moet op die speelveld van die lewe ‘n verskil maak, anders is dit maar net leë woorde.

Hierdie “speech” van Al Pacino is waarskynlik een van die bekendstes, maar steeds na my mening ook een van die bestes. Lees voort “motivering 2”

motivering

Motivering het daarmee te make dat die persoon wat motiveer die wat luister so ver kry om ‘n keuse te maak om iets doen waarvoor hulle nie kans gesien het om te doen nie, maar wat hulle weet gedoen behoort te word.

Motivering kry mense se ver om iets te doen wat hulle getwyfel het of hulle dit sou kon doen en te bang was vir die risikos wat daarmee gepaard gaan indien hulle dit wel sou doen.

Motivering kry mense sover om te doen wat nodig is om gedoen te word indien hulle sekere doelwitte wou bereik.

Hier is 40 motiveringspraatjies in 2 minute. Lees voort “motivering”

ons is nie op afstandbeheer nie

Ek was aangenaam verras toe Piesangverkoper (Alias Bertus) gister by ons in die erediens opdaag en hy hom na die tyd aan my kom voorstel. Ek was ook aangenaam verras toe ek sy persoonlike belewenis van die erediens en my preek op sy blog gelees het.

In die preek het ek hierdie “gelykenis” vertel om ‘n sekere punt te verduidelik.

Toe ons seun Andries, ‘n seuntjie was, het hy ‘n afstandbeheer karretjie gehad. Lees voort “ons is nie op afstandbeheer nie”

ingestem op god

Ek en Renate maak van tyd tot tyd so ‘n bietjie musiek, sy speel klavier en ek speel kitaar.

Verlede week was een van daardie geleenthede. Ek het my kitaar gaan haal om saam met haar te speel en so ‘n bietjie saam met haar te sing. Maar, voordat ons enige iets kon doen, moes ons eerste seker maak dat die twee instrumente ingestem is. Met ander woorde, die C snaar op die kitaar moet dieselfde toonhoogte wees as die C op die klavier ens. Lees voort “ingestem op god”

‘n Gelykenis, Jesus se hemelvaart.

‘n Gelykenis is wanneer ‘n mens ‘n beeld of ‘n storie gebruik om mense te help om ‘n saak beter te verstaan. Soms gebruik ek gebeure uit my eie lewe, ander kere is dit sommer net ‘n opgemaakte storie wat nie regtig gebeur het nie. Hierdie gelykenis is een van daardie wat nie regtig gebeur het nie.

Met Jesus se hemelvaart, het ‘n groepie engele Hom net agter die wolkehemel waar die dissipels nie meer kon sien nie, Jesus ingewag. Die volgende is ‘n (fiktiewe) gesprek wat tussen Jesus en die engele plaas gevind het: Lees voort “‘n Gelykenis, Jesus se hemelvaart.”

Create a free website or blog at WordPress.com.

Up ↑