TWEEDE HUWELIKKE

Omtrent die helfte van die paartjies wat ek trou is tweede huwelike waar beide die man en die vrou voorheen getroud was of ten minste een van die twee voorheen getroud was. Dit is ‘n redelik bekende feit dat die egskeidingsyfer vir tweede huwelike ‘n skokkende 60% is. Na tien jaar het 37% van tweede huwelike reeds geëindig teenoor 30% van eerste huwelike. Met ander woorde wanneer een of beide van die partye voorheen getroud was, skei mense meer en gouer.

Ek doen gewoonlik huweliks-voorbereiding met elke paartjie wat ek trou in die vorm van ‘n paar gesprekke. Ek het gister weer ‘n paartjie gesien wat wil trou. Altwee was voorheen getroud en altwee het kinders uit die vorige huwelik.

As ‘n reël sal ek aan die volgende sake aandag gee tydens sulke voorbereidingsgesprekke:

1. Maak seker jy weet met wie jy trou.

Hoe goed ken jy die persoon met wie jy gaan trou?  Hier het ek gewoonlik ‘n paar lastige vrae wat ek die paartjie vra om hulle wedersydse kennis van mekaar te evalueer.

2. Maak seker jy weet wat die persoon met wie jy trou se geestelike lewe en verwagtinge behels.

Mense kan mekaar baie goed ken, maar hulle praat dalk feitlik nooit met mekaar oor hulle denke en emosies met betrekking tot God en hulle geestelike lewe nie. Bv. Weet jy hoe lyk die geestelike pad wat die persoon met wie trou geloop het? Kan jy jou maat se geestelike lewensverhaal oorvertel?

3. Maak seker jy weet waaroor die persoon met wie jy gaan trou sterk voel.

Hoe voel die persoon met wie jy gaan trou oor geld, dissipline, vakansies, hoe mens liefde wys. Waar verskil julle dramaties van mekaar?

4. Wat het aanleiding daartoe gegee dat elkeen van julle se vorige huwelik misluk het?

Die afwesige party is gewoonlik die een wat primêr die verantwoordelikheid moet dra vir die huwelik wat nie gewerk het nie.  Ek herinner sulke paartjies graag daaraan dat twee mense nodig is om ‘n huwelik te maak werk en dat twee mense nodig is om ‘n huwelik nie te maak werk nie. Ek twyfel nie daaraan daat daar gevalle is waar die een persoon regtig die slagoffer van ‘n ander was nie, maar dit is eerder die uitsondering as die reël. Ek help die paartjies gewoonlik met moontlikhede wat aanleiding kon gegee het tot die egskeiding.

5. Maak seker julle weet wat julle van mekaar verwag.

Mense is dikwels oorhaastig om te gou in ‘n tweede huwelik in te storm. In die proses praat hulle nie met mekaar oor wat hulle van die verhouding verwag nie. Daar moet eerlik en openlik oor hierdie sake gepraat word voordat ‘n tweede huwelik aangegaan word.  By hierdie geleentheid praat ek gewoonlik oor die lewe na die troudag en die praktiese reëlings rondom die saamleef.

Nou wonder ek: Waaroor dink jy behoort mens nog te gesels met paartjies wat vir ‘n twee keer trou?

Advertisements

24 Kommentaar

Filed under Die Christelike Lewe

24 responses to “TWEEDE HUWELIKKE

  1. Ansie

    Ons probleem is dat ons net kort termyn dink. Ek het vanoggend al met twee paartjies te doen gehad. Die een vrou het by my kom huil want haar man het ‘n nuwe meisie en sy en hulle twee kleuters moet dadelik uit die huis uit om vir die nuwe vrou plek te maak (die feit dat dit nou koud en nat is, en dit sy eie kinders is, maak nou geen saak nie) Hy dink net aan hierdie groot plesier wat nou met die nuwe vrou voorle. Die tweede vrou wat 4 maande swanger is het ek saam haar man se broer in die bed gekry. Duidelik dink albei net aan die kort termyn plesier en nie nie langtermyn hartseer wat daarna volg nie.

  2. ding

    Middagsê Doom

    Hmmm … 2e huwelike …

    Doom, eie familie, skoonfamilie en eks-familie. Ding dink nou maar veral aan die eks-familie en by uitsondering die vorige gade – veral waar daar kinders betrokke is.

    Ding onthou so vaagweg ‘n kollega wie se nuwe gade hom byna terstond geskei het omdat hy twee kardinale flatertjies begaan het: 1. het hy vir die nuwe gade gesê natuurlik is hy lief vir sy vorige gade – sy is en bly die ma van sy kinders. En 2. het hy opslag in sy motor geklim een aand laat en sy vorige gade loop bystaan waar sy iewers langs ‘n pad met ‘n onklaar motor (papwiel) gestrand gestaan het.

    En ja, ai tog, ou ding sukkel maar om nie die materiële, praktiese en finansiële aspek raak te sien nie – in enige huwelik, maar veral by ‘n verdere huwelik. En veral waar daar jou-kinders-my-kinders-en-ons-kinders is. Wie aanvaar watter aanspreeklikheid vir watter kinders en watter kinders is geregtig op wat van watter ouer. Messy-messy.

    Doom, ‘n huwelik of hy nou eerste, tweede of hoeveelste is, bly maar soos die ou wyses dit stel: trou is nie perde koop nie. Saam met die lekker lepellê in die winterkoue kom daar bepaalde verantwoordelikhede.

    Soos altyd: gawe leesstof hier by die koffietafel – dankie, man, Doom!

  3. Ansie: Ja… so gaan dit. Dis hoekom ek dink dit baie belangrik is om te praat oor wat was die oorsaak van die eerste egskeiding. As ‘n persoon sê hy is heeltemal onskuldig, dan moet mens baie versigtig wees.
    Ding: Jou doring! So lank laas van jou gehoor. Ek dink jy is reg, mens moet daardie aardse goedjies aanspreek. Maar ook soos jy sê: Huwelik is harde werk, maar dan is mens ook darem dankbaar vir die skielike koeligheidjie wat maak dat mens sommer naby aan mekaar wil lê.

  4. goeie vrae, maar is daar eerlikheid in die antwoorde?

    Maybe is dit hier n kwessie van ‘once bitten, twice shy’… So sal ek maar eerder uit eie keuse ‘alleen’ oudword en doodgaan…

  5. Platter: My grootste bekommernis is dat mense in tweede huwelike ingaan – veral die vrouens – omdat hulle eensaam is.

  6. Katrien

    Die oorgrote meerderheid van my kleutertjies kom uit gebroke huwelike en die toutrekkery tussen ouers en die mededinging tussen ‘yours, mine and soms ours’ vir pappa of mamma se liefde is soms hartverskeurend. Dit plaas geweldige druk op die ‘nuwe’ huwelike en veral die ‘kuiergas-kindertjies’ kry swaar, omdat hulle dikwels as indringers en as ʼn bedreiging beskou en behandel word deur stiefouers/boeties/sussies.

  7. Eish Attie, is ongelukkig so…. meeste mense kan nie ‘met hulle self alleen saamleef nie’…. (NIE lelik bedoel nie, maar baie mense KAN net nie), moet erens nog ‘n asem hê! En dan ‘val’ hulle vir die eerste een wat lyk of hy/sy gewillig is om te ‘commit’! En driekwart van die tyd is dit ‘n total disaster!!!

    Katrien, is waar…. mense donner nie net hulle eie lewens op nie! Is gewoonlik die onskuldige kinders wat ly…..

  8. pik234kelik

    Ek is vir ‘n tweede keer getroud na 13jaar alleen. Daar was geen kinders in die eerste huwelik nie (Genadiglik), en my man was nooit voorheen getroud nie. Maar glo my ons is ongelooflik gelukkig. 10 jaar, 2 kinders (albei met GERD) en ‘n nuwe besigheid verder, gaan dit ongelooflik goed! Hoekom – ek het nie ‘n clue nie. Miskien die feit dat ons albei ouer is, of meer verdraagsaam of eenvoudig net omdat ons heel aan die begin besluit het dat 2 mense nie genoeg is om ‘n huwelik te laat werk nie, as jy nie die 3de Persoon deel van jou sommetjie maak nie is dit useless!!! Ons prys ons Skepper daagliks vir Sy genade, want ons GLO dit is genade om in vandag se lewe ‘n huwelik te laat werk!!!

  9. pik234kelik: Ek is ook in ‘n tweede huwelik. Renate was nooit voorheen getroud nie. Ek het drie kinders uit my eerste huwelik wat by my en Renate groot geword het. Elane (Die jongste van die drie) was twee toe ek geskei is. Saam het ons vier kinders. Vir Renate is daar geen onderskeid tussen die vier nie. Die kinders weet ook nie van onderskeid nie. Watek probeer sê is: Tweede huwelike kan werk, as albei dit wil laat werk en indien soos jy sê die Here die derde Persoon in die huwelik is.

  10. Dawie

    Dinge werk altyd waar ons God betrokke is , dis ons mense wat dinge laat skeef-loop met ons wat ons kies en met watse brille ons kyk na ander mense en dinge om ons …

  11. Attie, baie dankie vir jou kommentaar daar by my.

    Ek het op hierdie inskrywing van jou begin met kommentaar maar dit het so lank geword dat ek besluit het om ‘n inskrywing daarvan te maak op my eie blog. Hoop om dit vandag of more te plaas.

    Geseënde Paasfees vir jou en jou gesin.

  12. wag-‘n-bietjie: Wat jy daar geskryf het was besonders. Dankie vir die mooi wense.

  13. BB

    …en dan kom mens voor die drumpel van ‘n moontlike derde huwelik en jy steek vas soos ‘n donkie en verseg om een tree verder te gee. Ek kry amper by tye ‘n vlug-drang as daar enigsins sprake is van ‘trou’ – ek is so happy en ek dink hy ook, maar ek mis nie daardie ‘stukkie papier’ nie. Soms dink ek, ek hou op dié manier stilweg én steeks dalk gerieflik ‘n agterdeurtjie oop; sien ds. – ek het al 2 keer báie seer gekry, maar ek het geleer mens gaan nie daarvan dood nie (al dink jy jy gaan) en ook vir die beste deel van 20 jaar van my lewe altyd moes veg vir survival. Liefie reken ek vertrou nie sy opregte liefde en true commitment nie – ek sê: liewer bang jan as dooie jan…
    Ek is nou vir die eerste keer in my lewe meer getroud as ooit – behalwe vir die ‘signed en sealed’ deel.
    Ek sou nogal vrae/opinies aanspreek rondom die vorige huwelik. (ek weet, ek weet dis gewoonlik die ander ou se skuld gewees 😉 ) , maar dinge soos: (1) hoe kon ek as ek van beter geweet het, dalk ‘n beter partner gewees het (2) hoeveel verantwoordelikheid voel ek, ek dra aan daardie sukses of failure – wat neerkom op hoeveel effort ek in die toekoms sou insit as dinge of my wederhelfte nie na my sin gebeur/optree nie (3) wat het die vorige huwelik my geleer m.b.t vooruitsig – m.a.w kan ek die pôpô sien aankom voor hy die fên strike?
    Net een vragie Attie – is daar al paartjies by jou gewees wat ná die voorbereidingsgesprek besluit het om liewer nié te trou nie? Want, ek reken dat die mens nie uit ander en soms ook nie eens uit sy eie foute leer nie… 😦

  14. BB: Dankie dat jy jou vrese deel. Dankie ook vir die vragies. Ek dink dit sal nogal help. Oor die op uittrek. Ja, dit gebeur nogal heelwat. Ek probeer om in my voorbereiding die paartjies bewus te maak van die prys wat die huwelik van ‘n mens vra, en baie kyk net met romantiese oë na alles en sien nie al hierdie dinge nie. Maar, dit is waar… sommige mense leer nie.

  15. Volgens sielkundiges en diegene moet mens ten minste vir twee jaar alleen bly na ‘n mislukte huwelik. Jy moet eers leer wie is jyself en jy moet leer saamlewe met jouself, voordat jy weer kan plek maak vir nog ‘n ander mens in jou lewe.

    Ek weet nie regtig of twee jaar genoeg of te veel is nie. Ek was amper drie jaar alleen na my eerste huwelik en dit het my sterk gemaak, maar dit het my ook selfsugtig gemaak en ek moes van vooraf leer deel toe ek weer in ‘n verhouding ingaan.

    Ek dink elke situasie en elke mens is uniek en sommige mense is nie gemaak vir trou nie en ander weer nie vir alleen wees nie.

  16. Ek kan nie meer met Sonkind saamstem nie. Dis jammer dat mense oor die algemeen nie hulself langer tyd gee om eers weer hul eie identiteit terug te kry nie. Dis ook belangrik dat jy eers van jou bagasie en vuil wasgoed van die vorige verhouding ontslae raak. Dot dra verseker by tot die sukses van ‘n tweede verhouding of huwelik.

    Attie my kommentaar: http://wagnbietjie.wordpress.com/2008/03/23/hersaamgestelde-verhoudings/

  17. Riana

    Hi Atie,

    Ek soek dringend raad, ek is 35 en in my tweede huwelik met ‘n wonderlike man van 50. Die probleem in ons huwelik is sy kinders. Ek en sy oudste seun verskil 11 jaar. Daar is gedurig inmenging rakende my en my man se verkille. Ek voel dat hul my nie respekteer nie, en as ek met my man daaroor praat, dan sê hy dat hulle dieselfde voel, en dat ek hul nie respekteer nie. Hulle wil gedurig alleen tyd saam my man spandeer, en nie waar nie, in ‘n kroeg. Ek hou nie daarvan as my man alleen sonder my in ‘n kroeg gaan sit nie, en dit was ook ‘n belofde van sy kant af dat hy nie sonder my ‘n drankie sal gaan drink nie. Ek weet nie wat moet ek doen om die dinge reg te maak nie, ek en my man het gedurig ‘n styery oor sy kinders. Help my!

  18. just me

    ai tog die huweliks ding is soms die ingewikkeldste instelling ooit.ek iss n vrouvan 38 besig met eigskeiding eerste huwelik. agv buite egtelikeverhouding,van bydekante 3jrterug van myman se kant af en huidig van my kant af. hy wilhuwelik red en ek voel dit sal nooit weer werk nie . maar ek glook nie huidige nuwe maat gaan die pas volhou nie wat nou gedoen

  19. Leoni

    Hi, ek wil graag my ervaring met jul deel. Ek is op 19 getroud met my 1ste liefde…ek moes trou. Dit was ‘n stormagtige huwelik. Na 2kindertjies en 7 ongelukkige jare is ons geskei. Ek is nie gemaak vir alleenwees en na die verhouding het ek regtig ‘n identiteits krisis gehad. Ek het gespring van die een na d ander verhouding en is uiteindelik met ‘n alkoholis getroud. Die hartseer van als was dat ek self verlore was en al wat vir my belangrik was, was om nie meer alleen te wees nie en standvastigheid vir my en die kinders te kry. My besluit om te trou het soveel seer veroorsaak,vir my, die kinders en die man. Ek het gedink sodra ons getroud is sou hy ophou drink want ek sal die leemte kan vul.
    Ek het weer God gevind en het besluit om te skei. Dit was ‘n swaar seer besluit. Ek het die een fout met die ander probeer regmaak en als het afgestuur op ‘n ramp.
    Dis nou 2jaar later..ek het oor begin…die swaarste is om jouself te vergewe wat jy aan ander gedoen het. Intussen het ek iemand ontmoet. Ons gaan van die begin af saam kerk toe. Ek het 3 kinders by 2 verskillende Pappas en hy het 2 dogters. Ons gaan vir terapie by ‘n berader wat die gesin help met ‘n bindings proses. En sy gee raad om sekere situasies te hanteer. Ek erken en stem dat ek as Ma werklik ook voel dat die naweek kinders ‘n bedreiging is…maar ek bid hieroor. Ons het reeds ‘n huweliks kursus voltooi en beplan nou om te trou. Elke tree vorentoe in ons verhouding is Genade van ons Hemelse Vader. Dit is nie maklik nie…Enige raad om my en die kinders se verhouding te verbeter. Ek dbid en se gedurig vir myself dit is God se kindertjies en vra dat ek deur oe van liefde na hul sal kyk…maar ek bly mens en sekere dinge worstel mens steeds mee.

  20. Jongmense moenie die liefde gou ryp druk nie. Gee jouself kans om eers te groei en te ontwikkel. God het die huwelik ingestel daarom moet jy bid vir die regte maat.

  21. Leonie Perold

    Hi Leoni, ek is ook Leonie. 8 jaar geskei met 2 seuntjies. Ek het oor die naweek my hart aan die Here gegee. Vir 8 jaar na egskeiding met kwaad, woede, verwarring deur die lewe gegaan en met dit probleem alles alleen aanpak. Selfs kwaad vir die Here wat alles met my gebeur het. Maar ek het Hom weer in my hart ingenooi en vra dat Hy weer ‘n pad met my stap. Ek alleen kan nie die wêreld met sy dinge aanpak sonder ons Vader nie. My kinders maak ek so te sê alleen groot en al het ‘n mense famlie en vriende as ondersteuning, verantwoordelikheid berus op ons as ‘n ouer. Mens moet doen wat die beste is vir mens se gesin. Ek het 2 verhoudings in die 8 jaar gehad maar sonder die Here was my oë gerig op die dinge wat nie regtig in ‘n verhouding of selfs eendag in ‘n huwelik saak maak nie. Die wêreld se dinge kom nie naby die Geestelike dinge met ons Vader nie. Dis waar die geluk lê en Hy sal ‘n maat oor jou pad laat kom wat hy weet dieselfde pad stap … en dis met die Here. Ek is nog ‘n “baba” in my Geestelike lewe maar wil graag my ervaring met mense deel. Dat die Here groot is. Sonder Hom kan mens nie gelukkig wees nie. Sterkte!

    Leonie

    • Christelle van der Walt

      Weet jy hoe bly is ek vir jou onthalwe dat jy besef het dat jy op die verkeerde lewenspad was en weggedraai het om God se wil te soek. Dit is pragtig! Als sal nou voorspoedig gaan met Jesus as die lig op jou pad. Jy hoef nou vir niks meer bang te wees nie want jy is nie alleen nie. Ps. 23 :
      dit omvat als, meer as ‘n mensekind kan ek nie daarby voeg nie. Voorspoed Leonie!

  22. Belinda

    Attie: Ek lees hierdie stuk want ek self was voorheen getroud. Ek het getrou toe ek 20 was en my man na 8 jaar en 8 maande geskei. Ek was nie meer lief vir hom nie. Dis soos jy se ‘n huwelik bestaan uit 2 uit en ek was net so skuldig soos my x-man, maar die besluit was myne en ek is tot van dag nie speit oor my besluit nie. Ek en my kinders is baie beter af op ons eie en ons is vry om te wees wie ons wil wees en doen wat ons wil doen. Onlangs het ‘n ou skool liefde sy verskyning weer aan my gemaak nadat hy my vir 17jaar lank gesoek het en wel na lang gesoek het hy my uiteindelik opgespoor. Ons verhouding is huidiglik langafstand en hoe meer ons van mekaar leer hoe meer besef ek dat ek vrese het oor ‘n 2de huwelik waar ek tevore nie gedink het ek het enige “scars” van my vorige huwelik gehad nie. Hy is ‘n wonderlike man en aanvaar my kinders en is vreeslik goed met hulle, ek aan die anderkant dink dat ek nie so man verdien nie. As ek nie my eerste huwelik kon maak werk nie hoe kan ek enigsins hierdie wonderlike man gelukkig maak en die vrou wees wat ek nodig het om vir hom te wees.

    • Christelle van der Walt

      Attie, uiteindelik praat jy met my. Waar de dorings was jy die heletyd. Ek was amper van my trollie af man.

      Okay my liewe, liewe vriend ek sal nie dom dinge aanvang nie. Ek het mos nou mooi geleer uit Hugo se foute wat hier by ons werk. Dit is net nog probleme by. Ek is nog steeds baie lief vir my man na 28 jaar. God het ons saamgevoeg en niemand kan ons skei nie. Hierdie (10 geskenke) 10 gebooie wat ek ook gekry het mag ek nie opmors nie.

      Ek wil net ‘n goeie vriend vir Peet wees, dit is al. Ek is sterk, ek sal nie ingee nie.

      Ek kan nie iets wees wat ek nie is nie. Ek is plein, plat op die aarde sonder enige fieterjasies. Moenie bekommerd wees nie.

      Dit hang nou net af hoe hy daaroor gaan voel. Dit is wat ek nie kan “handle” nie.

      Ek kan die beste “pal” vir jou wees maar daar is ‘n duidelike grens.

      Sal jy my hand vashou? Sal jy vir ons oor die saak bid?………

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s