30 DAE: GEROEP OM TE…

Ek weet nie hoe jy dink oor Jesus se roeping van sy dissipels nie. Ek het groot geword in ‘n era waar alles vergeestelik is. Elke ding wat met Jesus en met sy dissipels gebeur het, het so ‘n “wasige” wonderwerk verklaring gekry. Neem nou maar die gedeelte wat ons vandag lees, Markus 1:16-20. In hierdie paar verse roep Jesus die eerste vier dissipels.

Met die eerste oogopslag is hierdie ‘n wonderwerk. Kan jy jou indink, Jesus loop langs die strand. Hy sien vir Simon en sy broer Andreas en daarna vir Johannes en sy broer Jakobus. Hy sê vir hulle: “Kom word my dissipels, en Ek sal julle vissers van mense maak.’ En hulle het dadelik hulle nette gelos en Hom gevolg.” (Markus 1:17) Is dit nie wonderlik watter uitwerking Jesus op sy dissipels gehad het nie?

Ek onthou ‘n preek hieroor toe ek op hoërskool was.

30 DAE: 4 GROOT TERME IN DIE CHRISTELIKE GELOOF

Ons Bybelleesprogram bring ons vandag by Markus 1:14-15. In hierdie twee verse kry ons vier van die belangrikste begrippe in die Christelike godsdiens. Die vier begrippe is koningsheerskappy van God (of koninkryk van God); goeie nuus (of Evangelie); bekering; geloof.

Ek het reeds op die “blog” ‘n paar gedagtes oor die koningsheerskappy van God geskryf. Ek gaan op hierdie “post” net aandag gee aan die drie ander begrippe.

(i) DIE GOEIE NUUS (EVANGELIE).

30 DAE: BESLISSINGSTYD

Ons lees vandag Markus 1:9-11 as deel van ons Desember Bybelleesprogram. Johannes die Doper was nog altyd vir my een van die besonder interessante mense in die tyd van Jesus. Hy het mense in die Jordaan gedoop en hy het vir Jesus ook gedoop.

Jesus se doop laat my nogals met vrae. Hoekom moes Jesus deur Johannes gedoop gewees het? Johannes se doop was ‘n bekeringsdoop. Hy het mense gedoop wat daarvan bewus geraak het dat hulle sondaars is en wat dan wou klaar maak met daardie sonde. Hoekom moes Jesus wat sonder sonde was gedoop word?

Dit lyk vir my Jesus se doop het vir Hom vier dinge beteken:

(i) Beslissingstyd:

IN DIE WÊRELD NIE VAN DIE WÊRELD NIE

Ek lees “Adventures in Missing the Point.” van Brian McClaren en Tony Campolo. Ek gaan waarskynlik nog ‘n paar keer oor hierdie boek skryf. Ek skryf onder andere hierdie “post” om die aandag te skuif na die vraag: Wat kan ons doen om meer effektief te wees wat God bedoel het ons as Christene en kerk behoort te wees?

Brian McClaren verwoord iets van my gedagtes oor dit waarmee ek besig is en wat ek sien gebeur in en om die kerk en die kerk in hierdie wêreld. Dit is juis hierdie gedagtes wat my op hierdie koers gestuur het. Hierdie koers waar ek wil probeer om die mens met wie ek werk ‘n bietjie beter te ken en te verstaan. Ek wou hierdie stuk vertaal het, maar dalk is dit maar die beste om te probeer om dit net so oor te tik.

“Despite our sincerity and best of motives, preachers like me mess people up.

EN AS DIT ZUMA IS?

Ons het ‘n paar dae terug bietjie gesels oor Mbeki of Zuma. Prof. Willie Esterhuizen skryf vandag in Beeld ‘n artikel oor wat hy dink die toekoms met Zuma vir ons inhou. Ek moet sê, volgens prof. Willie gaan die paadjie vorentoe rof raak. Dalk moet ons maar ons veiligheidsgordels aansit. Hier kom ‘n ding. Lees gerus die artikel.

INKEER…

Ek begin vandag my reis na Kersfees. Vir die volgende dae tot kersfees gaan ek elke dag iets uit die kergebeure uit die Bybel lees en dan ‘n paar van my gedagtes hier neerskryf.

Ek lees vandag Markus 1:1-4.

Markus is die oudste en korste van die vier evangelies. Hy begin ook sy verhaal die verste terug. “Hier begin die Goeie Nuus aangaande Jesus Christus, die Seun van God. In die boek van die profeet Jesaja staan geskryf…”

Die kersgebeure begin nie by die geboorte van Jesus nie,

KONINGSHEERSKAPPY: GISTER, VANDAG EN TOT IN EWIGHEID

ONS LEESPROGRAM VIR DESEMBER

Ek was op hoërskool in die koshuis gewees. Opstaantyd was 06:00. Etenstyd was 07:00. Van 06:50 af het ons die ry gaan staan om in die eetsaal in te stap. Vanaf 06:40 tot 06:50 elke oggend was dit stiltetyd. Vir elkeen van hierdie gebeure is die klok gelui en het jy geweet wat nou gaan gebeur.

 

Vandag hou ek elke oggend stiltetyd voor die dag begin en voor die huisgesin wakker word. Ek lees die gedeelte van die dag en dan het ek ‘n tyd van nadink en gebed en dan kom skryf ek my gedagtes oor die gedeelte wat ek gelees hier op die blog.

Jesus het ook die stil-word gewoonte gehad.

GARETH CLIFF GODSLASTERLIK?

Nog ‘n openbare figuur is in die moeilikheid. Hierdie keer is dit 5fm se omroeper en idol beoordelaar Garreth Cliff.

Jy kan die volledige berig in BEELD lees.

Drie parragrawe uit Beeld se berig vanoggend:

Die Uitsaaiklagtekommissie van Suid-Afrika (UKKSA) se beslissingsraad hoor vanoggend weer klagtes aan wat met die gewilde 5fm-giftong en Idol-beoordelaar, Gareth Cliff, verband hou.

ZUMA of MBEKI

Ek volg nogal die pad na Polokwane. Hierdie geleentheid gaan waarskynlik een van die nuusgebeure van die jaar wees en daar is nogal ‘n dawerende stilte hieroor.

Ek het nou al by ‘n paar geleenthede my nek uitgesteek en ‘n kat in die duiwehok losgelaat wat geweldige reaksie tot gevolg gehad het, maar ek het ‘n keuse gemaak om nie my Christenskap in ‘n klooster of ‘n eiland of ‘n studeerkamer te bedryf nie. Ek wil beïnvloed word. Ek het vrede gemaak met die feit dat my menings oor sake veranderbaar en aanpasbaar is en daarom waag ek. Ek waag vandag oor Zuma en Mbeki.

‘N WONDERWERK NA KERK

My dag op ‘n Sondag begin gewoonlik baie vroeg. Ek staan vier-uur op en gebruik 2 ure om my hart en my gedagtes gefokus te kry op dit wat die oggend en die res van die dag moet gebeur. Ek gee baie tyd vir stil wees en gesprek met die Here. Teen ses-uur maak ek vir Renate wakker en sewe-uur is ons oppad kerk toe. Agt-uur die eerste erediens en tien-uur die tweede een. Half-twaalf is ons by die huis en twaalf-uur eet ons. Half-twee begin my middag se voorbereiding met die oog op die aand se tienerdiens. As jy nou erns in daardie dag van my verwag om ‘n sieke te gaan besoek of ‘n vinnige pastorale gesprek in te werk, dan sal dit net eenvoudig een te veel wees.

Meeste dominees voel so oor Sondag.
Jesus was anders. (Ons lees vandag Lukas 4:38-39)

“Nadat Hy die sinagoge verlaat het, is Jesus na Simon se huis waar Simon se skoonma baie siek met ‘n hoë koors was.” (Lukas 4:38)