Iets oor my.
Ek is een van vier predikante in die NG Gemeente Rustenburg Bergsig. Ek is getroud met Renate en ons het vier kinders. Andrea (25), Andries (22), Elane (17) en Rene (11). Ek kuier in die “blogosfeer” as ‘n ewige student omdat ek op daardie punt in my lewe is waar klaar geformuleerde antwoorde nege uit die tien kere eintlik geen antwoorde is nie. Ek glo die boodskap van die Evangelie van Christus Jesus is tydloos, maar die verpakking waarin die onveranderlike boodskap afgelewer word, moet aanpas. Nou is die tyd om aan te pas. Ek sien “blogging” as ‘n geleentheid om met ander mense kontak te maak, sodat hulle my kan help om die mens van vandag ‘n klein bietjie beter te verstaan, maar ook as ‘n geleentheid om met mense op die internet in gesprek te gaan oor die Here Jesus en sy koningsheerskappy.
